दिवसाच्या एखाद्या प्रहरी
वडापिंपळाखाली बसल्यावर
सुचलेल्या अनेक कवितांमध्ये
जाणवणाऱ्या तुझ्या अस्तित्वाची
मला बसणारी झळ
किंवा व्याकरणदृष्ट्या चुकलेल्या
अनेक कवितेमधल्या
जुळवलेल्या "ट" ला "ट"
किंवा "र" ला "र" यमकाप्रमाणे
सर्वांनी नाकारलेली
तरी का कोण जाणे मला सुचणारी
तुझ्यावरची ही कविता
कधी सुचायची बंद होणार
हे तूच जाणे
ते बंद होईल तेव्हा होईल
पण तोपर्यंत तुझ्यावर केलेल्या
व्याकरदृष्ट्या चूक बरोबर असलेल्या
किंवा नसलेल्या
जाणून बुजून अनेकदा
यमक जुळवलेल्या या कविता
नक्की कोणत्या वृत्तात बसवायच्या
त्यातून डोकावणाऱ्या तुझ्या अस्तित्वाला
व्याकरणाचे नक्की कोणते नियम लावायचे
हे तूच सांग ना आता
असो .... !

- मिहीर